Annonse
Annonse
Annonse
Annonse

Norges Jeger- og Fiskerforbund vil vise at dei ikke berre er for vaksne gubbar

NJFF fyller 150 år i år, og vil bruke jubileet til å markere seg i sosiale medier.

Har du kronisk fiskefeber og stor formidlingsevne, kan kanskje sommarjobb i NJFF vere aktuelt for deg. Foto: Mariann Tvete
Har du kronisk fiskefeber og stor formidlingsevne, kan kanskje sommarjobb i NJFF vere aktuelt for deg. Foto: Mariann Tvete

Annonsesnøret dei har kasta ut er "NJFF søker jakt- og fiskefluencere til årets villeste sommerjobb!" og det dei jaktar på er eit ungt par eller to gode vener, som kan tenkje seg å dokumentere og promotere aktivitetane i klubben.

Kontaktperson er Karina Gjerde, som er barne- og ungdomskonsulent i organisasjonen.

– Vi har lyst til å vise det som skjer i organisasjonen vår, over heile landet. Og vi vil ha eit ungt og friskt blikk på det.

Ho seier dei kunne vald å bruke profilerte influencarar - slike dei alt i dag har i ei ambassadørordning, men at dei denne gongen ønskjer seg noko anna.

– Det vi er ute etter er nokon som er skikkeleg flinke til å filme og fotografere. Dei treng ikkje ha nokon kanal frå før, men har formidlingsevne og -lyst og kan stå både framfor og bak kamera.

Annonse

Annonsen låg ikkje lenge ute før interessen tok til å melde seg.

Jobben er eit prosjekt, og Gjerde seier ho ser for seg at teamet reiser Noreg på langs og stoppar der det er NJFF-aktivitetar.

Der skal dei teste ut aktivitetane, medlemsfordeler, kurs og liknande.

Norges Jeger- og Fiskerforbund (NJFF) er ein landsdekkande organisasjon for jegerar og sportsfiskarar og er eit viktig miljø for formidling av kunnskap om jakt og fiske.

– Vi er ein partipolitisk nøytral organisasjon, men har eit sterkt jakt-, fiske-, og naturpolitisk engasjement i mange saker, skriv dei i annonsen.

Neste artikkel

Stadig flere kvinner er jegere