Annonse
Annonse
Annonse
Annonse

Ektepart vart jaga opp i eit tre av ein elg

Påsketuren for eit ektepar i 60-åra enda oppe i eit tre måndag morgon. Under treet stod syndaren som hadde jaga paret - ein sint elg.

Biletet viser ein elgokse på beite i Gravdalen mellom Kvam og Vinstra i Gudbrandsdalen. Elgen som jaga ekteparet opp i eit tre vart sett i Mandal i Agder. Illustrasjonsfoto: Paul Kleiven / NTB scanpix
Biletet viser ein elgokse på beite i Gravdalen mellom Kvam og Vinstra i Gudbrandsdalen. Elgen som jaga ekteparet opp i eit tre vart sett i Mandal i Agder. Illustrasjonsfoto: Paul Kleiven / NTB scanpix

– Elgen var ikkje nøgd med å møte paret på tur. Elgen sprang etter dei, og paret måtte forsøke å springe frå han. Etter litt måtte dei klatre opp i eit tre for å sleppe unna, seier operasjonsleiar John Repstad i Agder politidistrikt til TV 2.

Annonse

Men elgen gav seg ikkje. Paret vart sitjande i treet i 20 minutt medan dyret tusla rundt under treet. Til slutt fekk dei to varsla svigersonen. Han melde så frå til politiet.

– Dei kom seg uskadde frå hendinga, men det er traumatisk å ha ein elg springande etter seg. Det er eit populært turområde, så det er viktig å varsle folk, seier Repstad til TV 2.

Neste artikkel

Matbutikkene hardt ut mot statsråden: – Svært misvisende