Næringssjef i Stranda kommune Inge Bjørdal fortel til Sunnmørsposten at talet på aktive bruk i Geiranger har gått kraftig ned dei siste åra.
Kommunen har lenge fundert på kva dei skal gjere for å få eit meir aktivt landbruk, og har no starta opp eit prosjekt for å utvikle sauehaldet i bygda.
– Vår idé er å byggje ein fellesfjøs med plass til rundt 400 dyr. Kanskje kan fjøset vere eit aksjeselskap og drifta eit sameige, seier Bjørdal til avisa.
Annonse
Næringssjefen fortel at han no vil invitere til eit informasjonsmøte om prosjektet, og invitere bønder med for å sjå på fjøsbygningar som kan vere til inspirasjon.
– Det er jo viktig at det blir eit fint bygg i tre som passar inn i miljøet, seier han. (©NPK)