Kommentar: «Det som er sikkert er at alt er usikkert»

I dagens måling får partiet Raudt inn to mandat, og hamnar i den berømmelege vippeposisjonen på Stortinget – så sant Miljøpartiet Dei Grøne vil støtte ei raudgrøn regjering. Men før kommunistar og raudgrøne jublar for mykje, er det grunn til å hugse på at feilmarginane er såpass store at dei eigentleg ikkje treng å syne eit regjeringsskifte, eller at MDG og Venstre er over sperregrensa.