Annonse
Annonse
Annonse
Annonse

Lokalaviser fryktar nye postreglar

Nye postreglar gjer at mange avisabonnentar frå nyttår må vente lenge på få lokalavisa si i posten. Redaktørar fryktar for framtida.

Frå nyttår av vil det ikkje bli skilt mellom A- og B-post, noko som gjer at posten vil bruke to dagar på å nå fram til mottakaren. Illustrasjonsfoto: Berit Roald / NTB scanpix / NPK

Frå nyttår av vil det ikkje bli skilt mellom A- og B-post, noko som gjer at posten vil bruke to dagar på å nå fram til mottakaren. Bengt Flaten, sjef i lokalavisa Fjordingen, seier det er katastrofalt for mange av lesarane deira at A-post forsvinn frå nyttår.

– Fredagsavisa vår blir trykt torsdag, men vil etter nyttår ikkje komme fram til abonnentar andre stadar i landet før måndag eller tysdag. Då har meir enn halve veka gått, seier dagleg leiar og ansvarleg redaktør Bengt Flaten til NRK.

Ein av tre Fjordingen-abonnentar bur ikkje i Nordfjord-regionen, og får avisa tilsendt i posten. – Eg fryktar at vi misser dei som held lokalavisa som brev heimanfrå, og er trufaste abonnentar, seier han.

Les også: Kvikkas – skyteskive for sinte avislesere

Annonse

Bjørn Wisted, fagsjef for næringspolitikk i Mediebedriftenes Landsforening (MBL), stiller spørsmål ved om avgjerdstakarane har skjønt konsekvensane av å kutte A-posten.

– Dersom konsekvenstenkinga har vore til stades, så er eg veldig skremt, seier han.

Pressesjef John Eckhoff i Posten Noreg seier omlegginga ikkje bør komme overraskande på avisene, og han peikar på at det er blitt ein milliard færre adresserte brevsendingar sidan 1999.

Neste artikkel

Nye tiltak mot innleie