Annonse
Annonse
Annonse
Annonse

Endringar i rekneskapslova skal spare næringslivet for 1 milliard kroner

Ei forenkling av rekneskapslova som blei vedtatt tysdag kan spare norsk næringsliv for så mykje som 1 milliard kroner, meiner regjeringa.

Forenkling: Elin Rodum Agdestein, som sit i finanskomiteen for Høgre, kallar forenklinga den store julegåva frå regjeringa til næringslivet i år. Foto: Magnhild Steinsland

Ordninga trør i kraft frå nyttår. Endringane går blant anna ut på at små selskap ikkje lenger skal ha plikt til å utarbeide årsmelding, noko som skal redusere kostnadene med 700 millionar kroner i året, ifølgje regjeringa.

– Tusenvis av små og mellomstore bedrifter landet over vil få redusert kostnadene til rekneskapsføring med desse forenklingane, seier Elin Rodum Agdestein, som sit i finanskomiteen for Høgre.

Ho kallar forenklinga den store julegåva frå regjeringa til næringslivet i år.

Annonse

Forslaget blei lagt fram av Finansdepartementet og er ein del av forenklingsarbeidet frå regjeringa. Det er anslått at norsk næringsliv bruker 60 milliardar kroner i året på å rapportere inn til staten.

– Det er estimert at dette kan gi ei innsparing på 1 milliard kroner for norsk næringsliv, seier finanspolitisk talsmann i Frp Helge André Njåstad.

Neste artikkel

Statkraft skal lage biodrivstoff av norske trestokker