Annonse
Annonse
Annonse
Annonse

Forskarar går god for Nofence

Noregs miljø- og biovitskaplege universitet (NMBU) går god for at velferda er varetatt for husdyr som bruker den elektroniske klaven Nofence.

Geiter blir ikkje plaga av å gå med GPS-klave, har forskarar ved NMBU funnet ut. Foto: Berit Keilen / NTB scanpix / NPK

GPS-klaven gir frå seg ein kvinande lyd viss dyra kryssar ei grense og gir ein lett straumpuls viss dei går enda lenger vekk. Forskarane har no testa ut klaven på geiter og ikkje funne at dei blir plaga av utstyret.

– Undersøkingane i dei norske geitebesetningane og dessutan internasjonal litteratur tyder på at risikoen for redusert dyrevelferd ved bruk av Nofence virtuelt gjerdesystem for geit er svært liten, konkluderer forskarane, ifølgje ein pressemelding omtalt i Tidens Krav.

Dermed har ei fleire år lang og krevjande sak mellom Mattilsynet og Nofence fått ein endeleg og vitskapleg basert konklusjon, skriv Nofence i ei pressemelding. Mattilsynet la i fjor ned forbod mot den elektroniske klaven på grunn av uvisse om korleis utstyret påverka velferda til dyra.

Annonse

Det er selskapet Nofence i Gjemnes på Nordmøre som har utvikla den solcelledrivne digitale klaven, som skal gjere det mogleg å halde dyra trygt inngjerda via ein mobilapp.

Neste artikkel

Markant økning i antall dyrevelferdssaker