Samla erstatningssum vart i fjor rundt 51 millionar kroner.
Det er nær ei halvering frå dei 90 millionane som blei utbetalt året før, eit beløp som særleg stamma frå den kraftige flaumen på Austlandet i 2007.
Gode vekstvilkår og lite avlingssvikt
Statens landbruksforvaltning (SLF) meiner dei låge erstatningsutbetlingane i 2009 kjem av i hovudsak gode vekstvilkår og lite klimarelatert avlingssvikt.
Det er nemleg det som vanlegvis gir størst utslag i form av erstatning.
Mest for plantesjukdom
I 2009 var det erstatning for sanering av farlege plantesjukdommar som dominerte utbetalingsstatistikken til SLF.
Særleg Rogaland, Oppland og Østfold hadde store utbetalingar etter plantesjukdommar som til dømes pærebrann.
Lite tap av sau på beite
I tillegg har det vore utbetalingar for pålagt nedslakting på grunn av husdyrsjukdommar og utbetlingar knytt til radioaktivitet og nedforing av sau.
Erstatning for tap av sau på beite og sviktande honningproduksjon har dominert i Møre og Romsdal og Aust-Agder, men dette gir lite utslag på den samla fylkesoversikten til SLF.
Publisert mandag 08.02.2010 kl. 20:30
Siste innenriks
