Nationen har motteke fleire e-postar om kandidatar eller rettare sagt manglande kandidatar i årets kåring.
Vil ha Tømmerås på lista
– Det har eg ikkje tenkt på, ler Arnstein Tømmerås, leiaren for aksjonen Mot kvalitetssikring i landbruket (Mot – KSL), som er ein av kandidatane folk meiner manglar på lista.
Sjølv synest han dei åtte utvalde kandidatane er svært gode.
– Ingen tvil om det.
– Men folk synest tydeleg at du gjer eit viktig arbeid?
– Ja, eg føler at eg har støtte, seier Tømmerås.
Vernejobb
Tømmerås har i fem år hatt eit meklarfirma for kjøp og sal av mjølkekvoter.
– Difor snakkar eg årleg med over 1000 gardbrukarar, og meiner eg har bra oversikt over det som skjer.
Kort sagt meiner aksjonistane i Mot – KSL at ordninga, i tillegg til stram økonomi, er med og legg ned norsk landbruk. Aksjonistane meiner det bør vere Mattilsynet, som har hovudansvaret for matkvalitet her i landet, som også skal ha tilsynsansvaret på gardane.
Han gjer ein «vernejobb for integriteten til innbyggerne i alle norske bygder gjennom sitt engasjement i organisasjonen, Mot – KSL», heiter det mellom anna i breva.
Ulike kandidatar
Dette er fjerde året Nationen gir lesarane høve til å røyste fram ein årets bygdeprofil. Lista er alltid lang over mogelege kandidatar, og det er redaksjonen som plukkar ut dei endelege kandidatane det skal røystast over.
I år har lesarane frist til klokka 24.00 natt til laurdag 16. desember med å røyste på sin kandidat.
Og gjennom åra har det vist seg at situasjonen i teten har endra seg frå dag til dag.
Første året vann musikant Odd Nordstoga prisen, andre året ulvejegaren Stine Iversen, som deltok i jaktlaget som skulle felle ulv i Østerdalen. I fjor var det Mikkel Dobloug, mannen som eig og driv Per Gynt-garden på Vinstra som fekk flest av Nationen-lesarane sine sms-ar.
Dei har sigra i hard konkurrasne med følgjande kandidatar:
2004
- Odd Nordstoga
- Magnus Valen-Sendstad
- Inga Berit Lein
- Anette Sagen
- Gunnhild E. Sundli
- Odin Jensenius
- Knut Arild Hareide
- Kjetil Rekdal
- Solveig Horve
- Olaf Tufte
- Marit Bjørgen
- Stine Iversen
- Janove Ottersen
- Katrine Moholt
- Terje Riis-Johansen
- Ingeborg Semb
- Edmund Austigard
- Elin Tvedt
- Simen Staalnacke og Peder Børresen i Moods of Norway
- Jorun Stiansen
- Mikkel Dobloug
- Mette Elisabeth Finnestad
- Harald H. Opedal
- Katrine Moholt
- Ola Borten Moe
- Liv Grete Skjelbreid Poiree
- Henning Solberg
- Tone Damli Aaberge
- Mariann Thomassen
- Mons Ivar Mjelde
- Paul Gunnar og Håvard Jansen
- Anders Jacobsen
- Ingerid Stenvold
- Valkyrien Allstars
- Helga Pedersen
- Sveinung Sundli
Publisert torsdag 29.11.2007 kl. 13:48 (Sist endret lørdag 15.12.2007 kl. 13:08)
