Til no har det berre vore druene som vin er laga av som har vore økologisk. Resten av innhaldet i vinen har det ikkje vore økologisk krav til, opplyser Mattilsynet.
Dei nye reglane skjerpar krava til bruk av behandlingsmetodar og tilsetningsstoff i produksjon av vin. Diskusjonane om eit regelverk for økologisk vin byrja i 2009, men stoppa opp fordi ein ikkje blei samde om reglane.
Les også: Anne Viken: Tine bløffar om økologisk landbruk
Etter ein pause, greidde ein til slutt å bli einige om fleire krav til innhaldet for at produkt kan kallast økologisk vin.
Les også: SV-forslag om 50 prosent statlig økomat møter skepsis hos Ap og Sp
Dei nye reglane for økologivin trer i kraft hausten 2012 i EU, og vinprodusentar som vel å produsere vin etter dei nye krava, vil også kunne bruke EUs felles økologimerke på flaskene. (©NPK)
