Norsk viltkjøt oppfyller i hovudsak krava til mattryggleik. Berre mindre manglar er avdekte, kjem det fram i den nye ESA-rapporten.
ESA trekkjer spesielt fram tiltak for å styrke opplæringa av jegerar som positivt.
Overvåkingsorganet gjennomførte ein inspeksjon i Noreg i november 2011 for å kontrollere at produksjon og sal av oppdrettsvilt og frittlevande vilt er i samsvar med krava i EØS-avtalen.
Les også: Folkehelsa skal sjekka om viltkjøt er skadeleg
Av manglar som vert omtalte er opplæring og koordinering innanfor Mattilsynet, godkjenning av verksemder og hygienekrav til verksemdene.
Les også: Meiner viltkjøtt er trygt
I Mattilsynets svar på ESAs førebelse rapport framgår det at tilsynet allereie har sett i gang tiltak for å rette opp nokre av manglane, og tilsynet gjer det klart at ESAs tilrådingar vert følgde opp. (©NPK)
