— Vi har tru på at flinke husdyrbønder i distriktet kan lykkast bra med pelsdyr, seier marknadssjef i Pelsdyralslaget, Torkil Tveter, til NRK.
Dei neste ti åra er målet å dobla pelsproduksjonen. Organisasjonen meiner særleg Nord-Østerdalen er godt eigna for pelsoppdrett, og håpar at rundt halvparten av veksten skal koma her.
Trass i at mange vil avvikla næringa, ser marknadssjefen i Pelsdyralslaget lyst på framtida.
— Det er ei lovleg og god næring. Innanfor norsk landbruk er vi ei solskinshistorie. Det er ei næring som tener gode pengar på eksport, og dermed får gode valutainntekter til landet. Eg ser lyst på framtida, seier Tveter.
Han meiner at kritikken mot næringa har ført til tiltak som har slege positivt ut både for næringa og for velferda til dyra. (©NPK)
