Klemet Mostad (54) i Østfold er ein av kyllingprodusentane som har fått krav om utbetringar etter inspeksjonen til Mattilsynet.
Han seier bøndene ufortent blir skulda for dårleg dyrevelferd, og at prispress og dårleg økonomi er hovudårsaka til at forholda ikkje er betre.
— Samfunnets konstante jag etter billig mat er årsaka, og bransjen klarer ikkje levere betre velferd enn det rammevilkåra tillet. Prisane er så låge at produksjonen balanserer på ein knivsegg, og for å klare å dekkje veksten blir nye bønder lokka til å investere fem millionar i nybygg på urealistisk gode kalkylar, seier Mostad.
— Konsekvens av billig mat
Etter 25 år som kyllingprodusent fekk han sjølv påpakk frå Mattilsynet på for kort mørklagt periode og feil avlivingsmetode.
Han lovar endring slik at boka blir følgt, men han stiller seg tvilande til at dyrevelferden blir betre.
Les også: Nortura: - Kyllingprodusentene må ta ansvar for uakseptable forhold
— Dei fleste premissane for dyrevelferden er utanfor den enkelte bondes kontroll. Då blir det feil å leggje alt ansvar og risiko på bonden, seier Mostad.
Leiar David Koht-Norbye i Norsk Fjørfelag er einig, sjølv om han seier skvisa økonomi ikkje fritek næringa frå ansvar for dyra.
Les også: Fjørfelaget lovar utbedring
Koht-Norbye seier dårleg dyrevelferd ikkje skal førekome, men han kritiserer også Mattilsynet.
Sjekk ut heile tilsynsrapporten til Mattilsynet
— Mattilsynet skil for lite mellom alvorlege brot og mindre alvorlege avvik. Det må òg vere rom for å bruke praktisk skjønn, samtidig er eg svært forundra over at det er funne alvorlege feil på slakteria. Det burde Mattilsynet avdekt for lenge sidan. Dei har folk på slakteria kvar dag, seier han.
Vil ikkje spekulere
Direktør Ole Fjetland i Mattilsynet avviser at dei ikkje skil på alvorsgrad. Han vil ikkje spekulere i årsak til brota, og seier òg at om Mattilsynet burde ha avdekt feil før, så tek dei sjølvkritikk på det.
Les meir om kva Norsk Nærings- og Nytelsesmiddelarbeiderforbund og Norsk institutt for landbruksøkonomisk forskning meiner om saka i Nationens eavis fredag 10. februar.
