Forslaget er levert inn av tidlegare leiar for Europabevegelsen Svein Roald Hansen, som også er stortingsrepresentant for Arbeidarpartiet, Marianne Aasen, som også representerer Arbeidarpartiet på Stortinget, og dei to Høgre-representantane Per Kristian Foss og Inge Lønning.
To tredelar
Forslaget går ut på å endre Grunnlovas § 93 slik at Stortinget skal kunne gje opp nasjonal suverenitet med to tredjedels fleirtal viss det på førehand er heldt ei rådgjevande folkerøysting.
I dag slår Grunnlova fast at det trengst tre fjerdels fleirtal i slike spørsmål. Forslaget frå dei fire representantane har fått støtte i Stortingets kontroll- og konstitusjonskomité.
Spelereglane
Under EU-kampen i 1994 fekk grunnlovsparagraf 93 mykje merksemd fordi fleire av dei mest aktive EU-motstandarane på Stortinget sa at dei kom til å røyste nei til å melde Noreg inn i EU uansett kva som vart resultatet av folkerøystinga.
Dagens røysting blir tredje gong etter 1994 at Stortinget røyster over spelereglane for neste EU-kamp.
Valløfter
Ei kartleggjing Nei til EU har gjort, tyder på at forslaget vil bli røysta ned også denne gongen. Det trengst 57 stemmer for å hindre endringsforslaget i å bli vedteke.
Ved Stortingsvalet i 2009 spurde organisasjonen alle kandidatane om deira syn på grunnlovsforslaget. Den gongen lova 64 av representantane å stemme imot. I ei pressemelding seier organisasjonen at det ser ut til at iallfall 60 representantar vil stå ved løfta sine frå 2009.
