Navarsete seier i ein e-post at problemstillingar knytte til overgangen frå PR-bransjen er vurderte.
— Kundeforholda hans er avslutta og forholdet til tidlegare arbeidsgjevar avvikla. Erlend jobbar frå i dag for regjeringa og for meg som kommunalminister. Lojaliteten hans ligg her, seier ho.
Gav innsyn i kundeliste
Fuglum ser heller ikkje noko problematisk med overgangen, og syner til at han sa opp stillinga i First House og avslutta alle relevante kundeforhold med verknad med det same då han tidlegare i veka takka ja til å verte statssekretær.
— Eg har også gjeve departementsleiinga innsyn i lista over dei avslutta kundeforholda, for å unngå situasjonar framover der det kan stillast spørsmål om habilitet, seier han.
Les også: Erlend Fuglum kritiseres for rolleblanding - igjen
Han held fram at han ikkje ser overgangar mellom næringsliv og politikk som problematiske, når dei vert handterte profesjonelt.
— Tvert om er det bra å ha folk i politikken som skjønar næringslivet og omvendt, seier han.
- Brennande engasjement
Han seier at han både frå PR-bransjen og tidlegare erfaringar har eit brennande engasjement for kommunikasjon. Då han tok til å engasjere seg politisk for 18 år sidan, var det nettopp som følgje av ein god talar i kombinasjon med temaet lokalt folkestyre.
— At eg no skal jobbe med politisk kommunikasjon frå Kommunal- og regionaldepartementet er fantastisk. Eg får jobbe med det eg brenn mest for, seier Fuglum.
Les også: Ber Sp-varamann droppe lobbyist-jobb
Navarsete grunngjev valet av Fuglum med at han har lang fartstid i Sp, mellom anna som leiar i Senterungdommen og som generalsekretær i Senterpartiets studieforbund.
— Han kjenner partiet godt. Erlend er ein dyktig mann, og eg er glad for å ha fått han med på laget mitt, seier Navarsete.
Les meir om saka i eavisa til Nationen for laurdag 4. februar. Ho kan kjøpast her.
