Halve stortingsgruppa til Sp vil ha veto mot vikarbyrådirektivet

Senterpartiet si stortingsgruppe er kritisk til EUs vikarbyrådirektiv.

Les også: LO-forbund vil framleis ha veto mot vikarbyrådirektivet

Men dei har førebels ikkje teke stilling til om dei vil gå inn for eit veto eller ikkje.

Les også: Sterk motstand mot EØS på grasrota i LO

Førstkommande måndag skal LO-sekretariatet drøfte både det omstridde direktivet og ei tiltakspakka mot sosial dumping, som Arbeidarpartiet føreslo då partiet si stortingsgruppe gjekk inn for vikarbyrådirektivet i desember i fjor.

— Vi kjem til å gjere vedtaket vårt med det første når LO har konkludert, seier Sps arbeidslivspolitiske talsmann Geir Pollestad.

Nationen var i går i kontakt med ni av partiets elleve stortingsrepresentantar. Fem av dei svara at dei kjem til å gå inn for eit veto, medan fire svara at dei framleis ikkje hadde bestemt seg.

— Vi bør leggje ned veto, det er mitt korte og greie standpunkt seier Erling Sande.