I eit resolusjonforslag som leggjast fram for årsmøtet i Høgre i Stavanger, foreslår sentrale tillits- og folkevalde å bygge ned resten av matjorda i Stavanger kommune.
Les også: Bioforsk meiner jordvern blir mykje viktigare i åra framover
Redaksjonskomiteen, som har skrive resolusjonen, seier sikring av tomteareal er det viktigaste kommunen kan gjere.
- Me må tørre å ta eit val. Skal Stavanger vere ein bykommune eller landbrukskommune, seier dei ifølgje Stavanger Aftenblad.
Dei meiner landbruksarealet i kommunen må frigjerast til bustad- og næringsareal.
Undersøking: Haldingar til jordvern i befolkinga
Roger Iversen, tidlegare politisk rådgjevar og statssekretær for Erna Solberg, har med seg fire bystyrerepresentantar i redaksjonskomiteen. Forslaget deira møter motstand i eige parti.
- Eg er ikkje samd i det heile tatt, seier Kristen Høyer Mathiassen, som er talsmann for partiet i bystyret i saker for byutvikling.
Les også: Uroa over nedgang i kornarealet
- Me har det flottaste jordbruket som finst i Noreg og det beste klima for matproduksjon. Me kan ikke bygge ned all matjord. Eg vil ikkje ha gjennom forslaget. ikkje tale om, seier han.
Det samla jordbruksarealet i Stavanger er over 13.500 dekar og over 10.000 er fulldyrka. Ifølgje landbrukskontoret i Stavanger er det 444 landbrukseigedomar i kommunen og 64 aktive bønder.
I heile fjor blei det omdisponert 6687 dekar dyrka jord på landsbasis. Viss forslaget blir vedteke, kjem Stavanger til å bygge ned om lag dobbelt så mykje som i heile landet i 2011.
Statistikk: Sjå oversikt frå SLF over nedbygging av matjord i Noreg
Årsmøtet i Stavanger Høgre blir heldt fredag kveld.
