Bygdeutviklingsprisen 2011 gjekk til går til Haaheim Gaard i Tysnes i Hordaland. Landbruks- og matminister Lars Peder Brekk delte torsdag ettermiddag ut den gjeve prisen på ein seremoni i den norske ambassaden i Berlin.
Eigaren av Haaheim Gaard, Torstein Hatlevik, etablerte i 2009 ein gardsrestaurant i kjellaren på garden. Så langt som mogleg baserer kjøkkenet seg på lokale råvarer.
- Det er utruleg kjekt å få prisen, me er veldig glade, seier Hatlevik.
Pengar kjem godt med
Med sjekken på 200.000 har han fått nye midlar til å investere.
- Me skal byggje vidare med ulike prosjekt me er involverte i. Mellom anna arbeider me med å få til overnattingsmoglegheiter på Haaheim Gaard, seier Hatlevik, som ynskte å takke alle som har bidrege til utviklinga av Haaheim Gaard.
Les også: Brekk er stolt av norske bidrag til Grüne Woche i Berlin
I tillegg til restauranten har Haaheim Gaard ein liten interiørbutikk, ein rosehage, og til våren blir det opna ein gardsbutikk på garden.
Verdig vinnar
- Årets vinnar er er ein verdig vinnar og er eit godt døme på nyskaping i landbruket, seier Landbruks- og matminister Lars Peder Brekk.
Det var tre fylkesvise vinnarar som konkurrerte om prisen. I tillegg til Haaheim Gaard, var Toten eggpakkeri og Aarholttunet Gjestegård og leirskole nominerte. Alle tre hadde vunne den fylkesvise bygdeutviklingsprisen.
Les også: Rekordmange frå Noreg reiser til matmessa Grüne Woche
- Dei nominerte bedriftene avspeglar mangfaldet i landbruksbasert næringsliv, og er kvar på sin måte tre spanande bedrifter, seier Brekk.
Bedriftene blir vurdert mellom anna etter lønsemd, sysselsetjing, bærekraftigheit og verdiskaping, og jury for den nasjonale BU-prisen har vore leiargruppa i Innovasjon Norge. Til saman i dei fylkesvise kåringane har det vore 75 kandiatar i 2011.
Les også: Stor næringsdelegasjon til Berlin
